الحاج متنح والحاجة كروته

[متنّح]

باركوليييييييييييييييييي انا رايح احج


ياالف نهار ابيض ياالف نهار مبروك يا متنح يا ترى حرمكم كروته حتروح معاك

متنح: اه طبعا امال حروح لوحدي؟؟؟؟ !!!!!! ماهو متنح مستحيل بفارق كروته

ودي تيجي

كروته: بقلك ايه يا متنح هما بيروحوا الحج يعملوا ايه

متنح: هو بصراحة يعني اصلللللللللللل بصي
يا كروته يا مراتي اول ما تخشي خشي برجلك اليمين وبعد كده اممممم


كروته: هو ايه الي امممم ادينا خشينا باليمين نطلع بالشمال

متنح: شمال ايه يا كروته هو انت خارجة من بيت الأدب لا مؤاخذه

كروته : وانا ايش عرفني مش بتقول نخش باليمين وبعدييييييين

متنح: بصراحة يا كروته مش عارف وادينا حنروح وقال يا خبر بفلوس بكره يبقى ببلاش


كروته: على رأيك يا متنح وشوية شوية حنعرف كل حاجة بس المهم اما نرجع تبقى اسامينا الحاج متنح والحاجة كروته
لولولولولولولولولولولولي

متنح: شششششششش بس يا وليه مش لما نروح الأول ونعرف راسنا من رجلينا ابقي زغرطي

كروته : طيب يامتنح يا خويا على رايك احنا مش ناقصين قر بس انا برضه مش فاهمة احنا حنقلد أي ناس بالضبط

ولا اقولك على ايه حنشوف اسهل حاجة واسهل ناس ونعمل زيهم يلا ان شاالله ما حد حوش

^ _____________ ^



يادين النبي كل دول بشرررررررررررررر


الحاجة كروته :بص بص يا حاج مش دول جيرانا الي راحو الحج السنة الي فاتت والي قبليها والي قبليها واليييييييييي

الحاج متنح : ايوه يا حاجه هو انت مش عارفة اصل الحاج سنوي والحاجة سنوية مالهمش ونيس ولا انيس غير الحج


الحاجة كروته: طب ما تيجي نمشي وراهم مادام هم خبرة كده ونشوف بيعملوا أي ونقلدهم


الحاج متنح: نقلد مين يا وليه يا قرشانه انت ؟؟ هو انت فاكره اكمنهم بيحجوا كل سنة حيبقوا عارفين كل حاجة دول ما شين في الزحمة


الحاجة : كروته: ياعم ما تحبكهاش ما هو كله ماشي في الزحمة على الأقل دول خبرة يعني ليهم الأقدمية برضه

الحاج متنح: تعرفي ان عندك حق اصل انا مش فاهم حاجة ولا ممكن ابدا اروح واسأل دي تبقى فضيحة بجلاجل

الحاجة كروته: وتسأل ليه يعني امال انا بعمل ايه اسمع كلامي تكسب

خد السهل وامشي في السريع ومع كروته عمرك ما حتضيع

اهلاااااااااا كده انت في السليم وضامن حج مبرور يا متنح انت وكروته

الحاج متنح: اهلا اهلا اهلا دي البشاير بتهل اهيه دول مش سنوي وسنوية بس دي العيلة كلها من ايام جدي وجدتي

كروته: يا ناس مش دول بيجوا كل سنة يعني هما الي عاملين الزحمة واحنا مش لأقيين مكان الله يخرب بيوتكم

ياعم داري على خبتك وانت متنح كده ومش عارف راسك من رجليك ولسه بتراقب غيرك ومن هنا ومين هناك اما غريبة!!!!!!!!!!

^ _____________ ^


الخيمة دي حلوووووووووووووة بشكللللللللللللللللل



الحاجة كروته بقلك ايه يا متنح انا جيعانه عايزة اكل والأكل ده يادوب تسليك زور,انا بعمل مجهود ولا ازم اتقوت يا اخويا اصل صحتي هافتانة كده مش حعرف ادي الفرض الي عليا كويس

الحاج متنح: عنيا يا كروته حجيبلك الأكل فريرة

ويروح الحاج متنح يجيب الأكل اللازم مته لمراته وام عياله الحاجة كروته

واديها بقى لحد ما الأتنين تجيلهم تخمة من كتر الهبر

وياخد الحج متنح باقي الأكل ويرميه قدام الخيمة الجميلة الي كانت نظيفة وبتلمع ودلوقتي بقت حاجة لا تطاق

ويجي واحد من الحجاج المحترمين الي بيخافوا على نظافة الأمكان الجميلة دي ويقول وبكل ادب واحترام


معلش يا اخي العزيز ممكن تشيل الزبالة دي اصل الريحة كاتمة على نفسي

الحاج متنح: وكاتمة على نفسك ليه ؟؟؟؟؟؟ انت عايز ايه!!!!!!!!1 يعني احطها على دماغي يعني

الحاجة كروته: ايه يا حج بس ما تحرقش دمك سيب الزبالة دي ولما اصحا حبقى اشوفلها حل

الحاج المسكين: حل ايه بس لس حستنى لبكرة حرام عليكواااااااااا

الحاج متنح: يووووووووووووووووه ما قلنا بكره بكررررررررره ما تفلقنيش بقى


الحاجة كروته: بص بقلك ايه خدها بكره في سكتك وارميها في أي خيمة تانية وخلصنا من الراجل ده بس اوعى حد يشوفك

^ _____________ ^


يا سلالالالالالالام الراجل ده لابس حتة ساعة تحفة




متنح:بصي بصي يا كروته الراجل الي ماشي قدامنا ده

كروته : اه ماله ما هو راجل زي كل الرجالة يعني لا زايد ايد ولا رجل امشي يا راجل خلينا نخلص


متنح: يا وليه بصي بس على ايده شايفه الساعة الي لا بسها باين عليها غالية قووووووي

كروته : طب استنى كده !!!!!!!! اه والله دي غالية فعلا
حار ونار في جتته

متنح : تيجي ناخدها ما حدش شايفنا في الزحمة

كروته : اااااااه بس يا متنح لو خد باله حنروح في داهية

متنح: ياخد باله ازاي هو جاي يحج و لاياخد باله من ساعة

كروته: على رايك !! وبعدين هو جايب معاه ساعة زي دي ليه يعني احنا في حج مش بنعمل عرض ساعات هنا حاجة تفلق

ويلطش متنح وكروته الساعة من ايد الراجل من غير ما ياخد باله ومش كده وبس لالالالا

لما الشبشب بتاعه هو ومراته يستسرق يعلمواااااا ايه
؟؟
!!!!!!!!

؟؟؟؟؟؟؟؟؟؟

ايوووووووووه هو كده بالضبط زي ما انتوا متوقعين يسرقوا جزم ناس تانية بس مش أي جزم ما هو ان سرقت اسرق جمل ولا ايييييييييييييه

^ _____________ ^


يا عيني على الروقاااااااااااان



الحاج متنح:ايه ده في حد جاي يزورنا يا حاجة كروته شوفي مين كده

الحاج كروته: مين الممل ده هو ده وقته يعني الواحد ما يعرفش يريح شوية

الحاج متنح: طب خبي الكوتشينة كده لحسن حد يشوفها مش فايق للكلام واللت والعجن تلاقيه الحاج سنوي ومراته الحاجة سنوية

الحاجة كروته: عندك حق حاكم دول بيجيلولي العصبي اكمنهم حجوا 7000 مرة حيعملوا فيها خبرة يعني افففففففففف بلا خيبة

حاج جاي يزور متنح وكروته:السلام عليكم ورحمة الله وبركاته يا حاج

الحاج متنح: وعليكم

الحاج الي جاي يزورهم : طب يا اخي كمل التحية
واذا حييتم بتحية فحيوا بأحسن منها او ردوها

الحاج متنح: ادينا ردينها وعليكم ايه عايز حاجة خلص بقى انا مش فايقلك

الحاج: طيب يا اخي الفاضل لو تكرمت انا عامل عندي في خيمتي موضوع بسيط كده اعلم الناس فيه مناسك الحج يا ريت تشرفنا فيه ونستفيد مما عندك اكون شاكر ليك جدااااااااا

سلام عليكم

ويمشي الحاج الي لسه مش عارفين هو مين بس ياترى ايه الي حيعمله مع متنح وكروته ?????????

^ _____________ ^

لسسسسسسسسه حنطلع الجبل يووووووووووه



كروتة:ياااااااادي النهار المقندل هو الحج متعب كده يا متنح؟؟


متنح: امال انتي فاكرة ايه سلق بيض

كروته: ييييييييه هو احنا لسه حنطلع الجبل ونقف كمان انا عايزة كرسيييييييييي

متنح: ةكرسي ايه ياوليه انتي حتفضحينا

احنا نأجر صبي يقفلنا ونديه الي فيه النصيب , ماهو تهين قرشك ولا تتعب رجلك

جتكوا الهم انتوا الاتنين حتى المثل غيرتوه بمزاجكم؟؟ بس حنقول ايه الي اختشو مااااااااااااتوا

كروته: انا مستهيألي سمعت صوت حد كده بيقولنا حاجة يا متنح

متنح: سمعتي الرعد في ودانك مافيش حاجة

كروته: بتقول ايه يا متنح

متنح: بقول سمعتي صوت البلبل بيغنيلك ياست الكل

كروته: طب يلا دور على واحد يقف تكون صحته كويسة وشادد حيلة كده قبل ما المتش يخلص

متنح: ماتش ايه ياوليه هو احنا في استاد الإهلي والزمالك

كروته: ياااااااه معلش بقى اصلي نسيت فووووووت

انت حتنسي ايه ولا ايه ولا جايه ليه اصلا اما وليه مخها ضارب بصحيح

متنح: مش لاقي حد يقف بدلنا كلهم مشغولينننننننن هو مافيش حد يعمل حاجة لوجه الله ابداااااا

صحيح ما بقاش في خير الأيام دي

بصراحة الراجل ومراته حيشلوني و باين كده حتجيلي ارتيكاريا في الدماغ من تحت راسهم

^ _____________ ^


ايه ده ؟؟؟ حنرمي طوب على طووووووووووووبة




متنح: النهاردة يوم مالوش ملامح يا كروته حنروح نلم شوية طوب ونرميهم على بتاعه تانية , ايه الحكاية انا مووووش عارف


كروته: امال مين الي عارف يا سبع البرمبة انت ؟؟ يعني حتفضل كده زي خيال المأته!!

متنح: هي كل الناس بتحدف نحدف معاهم بس في ناس بترمي جزم وشباشب والي يقول انت الي خليتني اطلق مراتي

كروته: يا اهبل انت دول بيرموا الشيطان افهم بقى

متنح: اه ماانا فاهم بس هومش قدامهم انا حتجننننننننننننن يا ناس


كروته: طيب طيب ما علينا هما بيلموا الطوب منين

متنح: وانا ايش عرفني شفتيني لميت قبل كده

كروته: ولا يهمك انا جايبة شوية حصى معايا في الشنطة قلت اهم ينفعوا

متنح: ماشي يا منقذتي في المواقف المستعصية

كروته: بس في مشكلة مين الي حيرمي اصل انا مش حروح الدنيا زحمة وانا بصراحة تعبانة قوووووي وما فياش حيل

متنح: عندك حق مهمة صعبة وبعدين انا مش مقتنع

ومتنح يتنح اكتر وكروته تديها الطرشة وطنش انت ومراتك ويطلعوا شوية الحصى الي في الشنطة ويقعدوا يرموا من بعيييييييييييييييد والناس مبحلقة والي ما يشتري يتفرج

واخخخخخخخخخخخخ حتة طوبة كبييييييييييييرة من الي جايباهم كروته تخبط في دماغ واحد تجيب اجلة وتانية تخبط ست عيانة تفتح دماغها

هو انتي جايبة اييييييييييةه طوب حجم عائليييييييي

^ _____________ ^

لازم خروووووووف؟؟؟ ما دكر البط اوفر يا جدعاااااااااان


متنح: كل سنة وانت طيبة ياكروته يامراتي ياام عيالي مدهول ومبلمة

كروته: وانت طيب يا ابو مدهول ومبلمة يارب يخليك ليا وتفضل متنح طول عمرك ولا تركز ابداااااااااااا

متنح: وانت يا كروته يا مراتي يارب كده تفضلي كروته وتعيشي مكروته

كروته: الا بالحق يا متنح هو اخبار البتاع لاي بيدبح ايه

متنح: اخبار ايه يعني ايه ما توضحي كلامك يا كروته ولا هي كروته حتى في الكلام

كروته: يا راجل يا متنح يا ابو مدهول انت بقلك مش هي الناس بتدبح خروووووووف البتاع الي بيقولوا عليه الضحية ولا المضحية ولا التضحية ده انا عارفة


متنح: ااااااااه يا كروته يا ام مبلمة قصدك المستضحية ( الدبيحة) يا فاضحاني

كروته: فاضحاك ايه انت كمان يا ابو العريف جتك خيبة

متنح: ما تلمي نفسك ياوليه قبل ماغير راي وبدل ما ادبح الخروف ادبحك انت


كروته: نعم نعمممممممم ده انا كنت ادبحك واعبيك في قزايز



متنح: ماشي ياكروته حعديها المرة دي

كروته: طيب قلي دلوقتي حتدبح امتى ؟؟ تيجي ندبح لما نرجع بدل البهدلة هنا وبعدين حنوفر كمان

متنح: نوفر؟؟؟!!!!!! صح يا وليه اما انت عندك افكار مبهرررررررة


كروته: وبدل ما ندبح خروووووووف ونخسر شيئ وشويات هو دكر بط نستلفه من الجيران ودمتم

["البتار"]

مافهمتش حاقه .
الرجاء ترجمة الموضوع أو حذفه .
ومعليش أخوي متنح رجاءً لا تزعل لأني ما فهمت شي .

[غلام ثعلب]

حلو يا حج متنح موضوعك
حد يترجم للراجل
هو انت هندى والا ايه يا ابنى ؟؟

[إبن القسام]

ههههههههههههههههههههههههههههههه
هههههههههههههههههههههه
ههههههههههههه

والله روعة يا متنح ,,,,,



" البتار" ,,,,,,,,,,,,,,,,,,,,,,,,
إذا كنت مافهمت هذه القصة..

فــ


فــ



الظاهر بنحذفك إنت :) :) :) :)

[أبو حمزة]

يا حلااااااااوة؛

قمة في البحث ؛ و الإخراج ؛ والديكور ؛ والأداء ؛ و :bngo4: ؛ و :cwm: ؛ و :crooked: ؛ و :crooked: ؛ و :تشاجر: ؛
و :لكمة: ؛ و :cool: :o :rolly: :crooked: ؛ :D

بس لازمها دراسة ؛ علم ؛ تكنلوجيا ؛ بحث ؛ تطبيق ؛ هندسة ؛ معمار ؛ أدب ؛ سوسيو-بسيكو- و تعمق ؛ و :moon: coffee ^




تنوووو :cry: :cry: :cry: ح









أعد الكتابة :) :D :)

[متنّح]

البتار شكله جمايكي :D


لاتثريب عليك يا ولدي

["البتار"]

الله يهديكم قصدي ترجموا اللهجة منيب راعي المسلسلات المصرية .
بعدين أخوي ابن القسام هد شوي لا تهور .

[yaseenx]

الله يسعدك .. اليوم ضحكت ضحك سنة .

[الـرمـادي]

:)

[أبو حمزة]

** رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ **